.jpg)
Tokioda ard-arda iki gün rekord yoluxma qeydə alındı
Hazırda Yay Olimpiya Oyunlarının keçirildiyi Yaponiyanın paytaxtı Tokioda son bir gündə 3 177 koronavirus infeksiyası hadisəsi aşkar edilib.
Oxuməni.az xəbər verir ki, bu, növbəti anti-rekorddur.
Əvvəlki maksimum çərşənbə axşamı qeydə alınıb– 2 848 yoluxma. Statistikaya görə ən çox infeksiya 20-30 yaş arası insanlarda təsdiqlənib- 1 078 nəfər.
65 yaşdan yuxarı Tokio sakinləri arasında 95 yoluxma hadisəsi müəyyən edilib. 80 nəfərin vəziyyəti ağırdır.
Tokioda gündəlik böyümə dinamikası bir həftədə təxminən iki dəfə artıb, 12 iyuldan epidemioloji vəziyyətin pisləşməsi səbəbindən burada fövqəladə rejim tətbiq olunub. Bu rejim, xüsusən, iaşə müəssisələrində spirtli içki satışının qadağan edilməsini və kütləvi tədbirlərə tamaşaçı girişinin məhdudlaşdırılmasını nəzərdə tutur. Bu səbəbdən Yaponiyanın paytaxtındakı olimpiadalar tamaşaçısız keçirilir.
.jpg)
