Fransa və İngiltərə arasında gərginlik ən yüksək həddə çatıb: Paris Londonu hədələdi

Fransa və İngiltərə arasında gərginlik ən yüksək həddə çatıb: Paris Londonu hədələdi

15 Oktyabr 2021 10:59
Bəyəndim (0) Bəyənmədim (0)

“İngiltərə sularında fransız balıqçılara balıq tutmaq üçün lisenziya verilməyəcəyi təqdirdə, səkkiz gün ərzində adekvat addım atacağıq”.

Oxuməni.az xəbər verir ki, bunu Fransanın Avropa Birliyi (AB) işləri üzrə dövlət naziri Klement Bon deyib.

Bon açıqlamasında bu problemlə əlaqədar çox səbirli olduqlarını və İngiltərənin fransız balıqçılara lazımi lisenziyanın məlumat çatışmazlığı yox, siyasi səbəblərdən verilmədiyini söyləyib. Bunun təkcə Fransa üçün deyil, Avropa üçün də problem olduğunu bildirən Bon avropalı tərəfdaşlarını bu mövzuda səfərbər etdiklərini qeyd edib.

Bon İngiltərənin fransız balıqçılarına lisenziya verməməyə davam edəcəyi və bu yöndə müsbət siqnal almayacaqları təqdirdə, 8 gün ərzində Fransa və ya Avropa səviyyəsində adekvat addım atacaqlarını vurğulayıb.

Bu il Avropa Birliyi və İngiltərə arasında balıq ovu kvotalarının müəyyən edilməsi ilə bağlı razılaşma əldə olunub. Bu anlaşmadan sonra İngiltərə fransız balıqçılarına öz ərazi sularında fəaliyyət göstərməsinə icazə vermir. İngilis hökumətinin bu addımı tərəflər arasında gərginliyə səbəb olub.