Dünyanın ən böyük vulkanı Mauna Loa püskürməyə başlayıb

Dünyanın ən böyük vulkanı Mauna Loa püskürməyə başlayıb

30 Noyabr 2022 09:18
Bəyəndim (0) Bəyənmədim (0)

Dünyanın Havayda yerləşən ən böyük vulkanı Mauna Loa püskürməyə başlayıb.

Oxuməni.az xəbər verir ki, Havay adalarında 40 ildən sonra, dünyanın ən böyük aktiv vulkanı olan Mauna Loa püskürməyə başlayıb.

Yerli rəsmilər bildiriblər ki, lava hələ vulkanın kənarlarından kənara çıxmayıb və dağın ətəyində yaşayan insanlara təhlükə yaratmir.

Bununla belə, ABŞ Geoloji Xidməti vəziyyətin çox tez dəyişə biləcəyi barədə xəbərdarlıq edib.

Havay adalarının Böyük Adasında və ətraf sularda vulkanın külünün səpələnməsi ehtimalı ilə bağlı xəbərdarlıq edilib və sakinlərə ayıq-sayıq olmaları tövsiyə olunub.

Son püskürmə bazar günü gecə saatlarında vulkanın zirvəsi olan Mokuaveoveoda başlayıb.

Emin Axund, Oxuməni.az