ABŞ Ukraynaya təhvil verilən HIMARS-da gizli şəkildə dəyişiklik edib

ABŞ Ukraynaya təhvil verilən HIMARS-da gizli şəkildə dəyişiklik edib.ABŞ Ukraynaya ötürülən HIMARS yaylım atəşli reaktiv sistemlərinin dizaynında gizli dəyişikliklər etdi ki, bu qurğulardan uzaq mənzilli raketlər buraxılmasın.

Oxuməni.az xəbər verir ki, bu barədə Street Jounral, Amerika səlahiyyətlilərinin adı açıqlanmayan nümayəndələrinə istinadən məlumat yayıb.

Nəşr mənbələrə istinadən qeyd edir ki, bununla da ABŞ prezidenti Co Bayden Administrasiyası Rusiya ilə müharibənin artması riskini azaltmaq istəyib. ABŞ-da qorxurlar ki, Ukrayna Vaşinqtonun verdiyi silahla Rusiya ərazisinə zərbə vurmamaq vədini yerinə yetirə bilməz.

ABŞ rəsmilərinin sözlərinə görə, Pentaqon onların aparat və proqram təminatı ilə bağlı dəyişiklikləri şərh etməkdən imtina edib. "Əməliyyat təhlükəsizliyi səbəbi ilə müttəfiqlərə və tərəfdaşlara verilən sistemlərin konfiqurasiyasını açıq şəkildə şərh etmirik. ABŞ hələ də Ukraynaya Rusiya təcavüzünə qarşı çıxmaq üçün lazım olan imkanları verməyə sadiqdir", dedyə Pentaqon rəsmisi briqada generalı Patrik Rayder bildirib.

Administrasiyadakı mənbələrin sözlərinə görə, Ukrayna ilə bağlı əsas silah qərarlarında iştirak edən Ağ Ev şərh verməkdən imtina edib. Ukrayna hərbçiləri də vsj-nin şərhlərindən imtina etdilər.

Nəşr xatırladır ki, bundan əvvəl ABŞ Pentaqonun Rusiyadakı hədəflərə zərbələr endirmək üçün istifadə oluna biləcəyindən qorxduğu üçün Ukraynaya Gray Eagle MQ-1C dronunu verməkdən imtina etmişdi.

Əziz Mustafa, Oxuməni.az