İsrail Ukraynaya hərbi texniki yardım göstərilməsini istisna etmir

1 Fevral 2023 15:34

Bəyəndim (0) Bəyənmədim (0)

İsrail Ukraynaya mümkün hərbi yardım məsələlərini araşdırır, lakin bu günə qədər belə bir qərar verilməyib.

Oxuməni.az xəbər verir ki, bunu ölkənin Baş naziri Benyamin Netanyahu CNN-ə müsahibəsində deyib.

Onun sözlərinə görə, hazırda İsrail və Rusiya arasında "mürəkkəb münasibətlər" inkişaf edir, o cümlədən Suriyadakı müharibə ilə bağlı vəziyyətə görə.

"Suriya ilə şimal sərhədimizdə İsrail təyyarələri və Rusiya təyyarələri bir-birindən qısa məsafədə, sözün əsl mənasında qol uzunluğunda uçur. Rusiya Suriya müharibəsində iştirak edir ",- deyib Netanyahu.

Buna görə də jurnalistin Ukraynaya hərbi dəstək verməyi düşünüb-düşünməyəcəyi sualına cavab verən İsrail Baş naziri bunun nəzərdən keçiriləcəyini söyləyib.

Əziz Mustafa, Oxuməni.az