Krımın Feodosiya şəhərində gecə pilotsuz təyyarənin hücumundan sonra neft anbarı yanıb

7 Oktyabr 10:15

Bəyəndim (0) Bəyənmədim (0)

Oktyabrın 7-nə keçən gecə Krımda Feodosiya neft bazasında yanğın baş verib. İlkin məlumata görə, obyekt dronlarla hücuma məruz qalıb.

Bu barədə Rusiyanın Telegram kanalları məlumat yayıb.

Yerli sakinlərin sözlərinə görə, Feodosiyada təxminən saat 4:30 radələrində bir neçə güclü partlayış səsi eşidilib, bundan sonra yanğın başlayıb.

Daha sonra ASTRA Telegram kanalı aydınlaşdırıb ki, Feodosiyada yanan neft anbarı əvvəllər dronların hücumuna məruz qalmış Dəniz Neft Terminalı ASC-dir. Belə ki, 2024-cü ilin mart ayında neft bazasının ərazisinə 4 pilotsuz təyyarə düşüb. Hücum nəticəsində əsas yanacaq nəql edən boru kəməri zədələnib və yanğın başlayıb. Daha sonra neft bazasından işçilər təxliyə edilib. Həmin vaxt yanğını söndürmək saat yarım çəkib.

Oxuməni.az