Rusiya kömək üçün Türkiyəyə müraciət edib
Rusiya Federasiyası Türkiyədən hərbi kontingentini Suriyadan çıxarmaq üçün kömək istəyib.
Bu barədə “CNN Türk” mənbələrə istinadən yazır. Nəşrin məlumatına görə, yeganə istisna Tartus dəniz bazası və Xmeymim aviabazasındakı qüvvələr olacaq. Ancaq indi Moskva qoşunlarının bir hissəsinin təhlükəsiz çıxarılması üçün yol və Ankaradan kömək axtarır:
“Görünür, bu qoşunlar Türkiyə silahlı qüvvələrinin nəzarətində olan ərazilərə köçürüləcək və sonra hava yolu ilə Rusiyaya göndəriləcək. Rusiya qoşunlarını təhlükəsiz şəkildə çıxarmaq üçün belə yardım istədi. İranın müvəkkil qüvvələri uzun müddətdir ki, Suriyada effektiv olmayıb”.
Bu arada, “TASS”-ın verdiyi məlumata görə, Suriya silahlı müxalifəti Rusiya hərbi bazalarının yerləşdiyi Latakiya əyalətinə tam nəzarət edir.
Almaz Həsənli
