Çinin əhalisi 2024-cü ildə azalıb

Milli Statistika Bürosunun (NBS) cümə günü açıqladığı məlumatlara görə, materik Çin əhalisinin sayı 2024-cü ilin sonunda 1,40828 milyarda çatıb ki, bu da 2023-cü ilin sonu ilə müqayisədə 1,39 milyon nəfər azalıb. Bu barədə “Sinxua” agentliyi məlumat yayıb.
Doğum əmsalı hər 1000 nəfərə 6,77-yə yüksəlib. Müqayisə üçün qeyd edək ki, 2023-cü ildə bu nisbət 6,39 olub. 2024-cü ildə ölənlərin sayı 10,93 milyon, 2023-cü ildə 11,1 milyon olub.
Çində doğum nisbəti 1980-ci ildən 2015-ci ilə qədər tətbiq edilən tək uşaq siyasəti və sürətli urbanizasiya səbəbindən aşağı düşür, bu da uşaqları şəhərdə böyütməyi kənd yerlərindən daha bahalı edir.
Ekspertlər hesab edir ki, bu tendensiya daha da güclənəcək və bu, işçilərin və istehlakçıların sayının azalması səbəbindən Çin iqtisadiyyatının dəstəklənməsində çətinliklərə səbəb olacaq. Doğuş səviyyəsinin aşağı düşməsi həm də qocalara qulluq və pensiya ödənişləri üçün əlavə xərclərə səbəb ola bilər.
2024-cü ildə Çin səlahiyyətliləri regionda doğum nisbətini bərpa etmək üçün universitetlərin təhsil proqramlarına evlilik və valideynlik imkanlarının daxil edilməsi kimi tədbirlər görüb.
Almaz Həsənli