"Leopard 2" Tank İstehsalçısı Ukraynada Birgə Müəssisə açıb

11:28

Bəyəndim (1) Bəyənmədim (0)

“Leopard 2” tanklarını istehsal edən Almaniyanın “KNDS Deutschland” şirkəti Ukraynanın müdafiə şirkətlərindən biri ilə rəsmən birgə müəssisə açıb. Bu barədə strateji sənaye naziri German Smetanin bildirib.

"KMW (KNDS Deutschland) ilə Ukraynanın müdafiə müəssisələrindən biri arasında birgə müəssisənin rəsmi açılışını elan etməkdən məmnunam", - Smetanin bildirib. Onun sözlərinə görə, yeni yaradılan şirkət “KNDS Deutschland”ın Ukrayna Müdafiə Qüvvələrinə verdiyi hərbi texnikanın texniki xidməti və təmiri üzrə ixtisaslaşacaq. Bu texnologiyanın ilk nümunələri hələ 2022-ci ildə Ukraynada peyda olub.

"Ukraynalı mütəxəssislər artıq Almaniyada təlim keçiblər və istehsal avadanlıqları artıq obyektlərdə quraşdırılıb", - Smetanin bildirib.

Bu o deməkdir ki, Müdafiə Qüvvələrinin texnikası indi daha tez təmir olunacaq. Birgə müəssisənin işi həm də investisiya və iş yerləri vasitəsilə iqtisadiyyatın inkişafına əhəmiyyətli dərəcədə yardım edəcək.

Əziz Mustafa, Oxuməni.az