Latviya Ukraynaya 1500 pilotsuz uçan döyüş aparatı-dronlar təhvil verib

Latviya Ukraynaya 1500 pilotsuz uçan döyüş aparatı-dronlar təhvil verib.
Bu barədə Latviyanın müdafiə naziri Andris Sprudsun X sosial şəbəkəsində açıqlama verib.

Sprudsun deyib ki, Ukrayna Silahlı Qüvvələri tezliklə dəyərli yardım alacaq, belə ki, daha çox pilotsuz təyyarələr Ukraynaya çatdırılacaq.

İki Latviya şirkəti beynəlxalq pilotsuz təyyarələr koalisiyasının tərkibində bu ilin birinci yarısında Ukraynaya ümumilikdə 17 milyon avro dəyərində ümumilikdə 12 min pilotsuz uçan aparat tədarük edəcək", - Latviya Müdafiə Nazirliyinin rəhbəri bildirib.

Xatırladaq ki, Böyük Britaniya və Latviyanın rəhbərlik etdiyi qondarma “dron koalisiyası” 2024-cü ilin yanvarında fəaliyyətə başlayıb.

Latviya bu yaxınlarda Ukrayna pilotsuz təyyarələrinin istehsalına investisiya qoyuluşunu dəstəkləyib. Latviya Nazirlər Kabineti Ukraynanın dron sənayesinə 10 milyon avro (10,69 milyon dollar) məbləğində investisiyaları dəstəkləyib.

Bundan əlavə, Latviya hökuməti bu il “Dron Coalition” formatında pilotsuz təyyarələrin alınması üçün daha 20 milyon avro (21,37 milyon dollar) ayırıb.

Böyük Britaniya, həmçinin Ukraynaya pilotsuz təyyarələrin tədarükü üçün Amerika texnologiya şirkəti ilə 35 milyon avro dəyərində müqavilə imzalayıb. Yeni pilotsuz təyyarələr Ukrayna Silahlı Qüvvələrinə Rusiyanın təcavüzünə daha yaxşı müqavimət göstərməyə imkan verəcək.

Bundan əlavə, yanvarın ortalarında Litvanın müdafiə naziri Dovile Şakaliene Ukraynanın Litvadan 5 milyon avro dəyərində minlərlə pilotsuz təyyarə alacağını açıqlamışdı.

Əziz Mustafa, Oxuməni.az