Argentinada keçmiş prezident Kirşner ömürlük dövlət vəzifəsindən kənarlaşdırılıb
Argentinanın Ali Məhkəməsi keçmiş prezident Kristina Fernandes de Kirşnerin dələduzluqda ittiham olunduğu hökmü qüvvədə saxlayıb. Bu barədə Bloomberg xəbər verir.
Qərara əsasən, məhkəmə altı il müddətinə azadlıqdan məhrumetmə cəzasını, eləcə də ömürlük dövlət vəzifəsində işləməyə qadağa qoyulmasını qüvvədə saxlayıb. Kirşner 2022-ci ildə rüşvətxorluqda təqsirli bilinib, lakin vitse-prezident kimi toxunulmazlıqdan istifadə etdiyi üçün həbsdən yayınıb.
Hökm 2024-cü ildə apellyasiya şikayəti əsasında qüvvədə saxlanıldı. Siyasətçinin özü bu qərarı siyasi motivli adlandırıb.
Cristina Fernandez de Kirşner 2007-ci ildən 2015-ci ilə qədər prezident vəzifəsində çalışıb. Onun partiyası son seçkidə Mileyə uduzdu, lakin o, partiyasının prezidenti vəzifəsini icra edərkən tanınmış müxalifət lideri olaraq qaldı.
Qeyd olunur ki, 2022-ci ildə Kirşner sui-qəsd cəhdindən sağ çıxıb, həmçinin məhkəmənin müxtəlif mərhələlərində digər korrupsiya halları ilə də üzləşib. O, öz növbəsində, dəfələrlə rüşvət işində qanun pozuntusunu inkar edərək, bunu rəqiblərinin və ədliyyə sisteminin siyasi manevri kimi pisləyib.
Mart ayında ABŞ hökuməti siyasətçinin və onun yaxın ailəsinin korrupsiyada ittiham olunduğuna görə ölkəyə girişinə qadağa qoyub.
Əziz Mustafa
