Moskva bölgəsində keçirilən basqından sonra 96 miqrant Rusiyadan deportasiya ediləcək
Moskva bölgəsindəki anbar kompleksində işləyən doxsan altı qanunsuz miqrant işçi Rusiyadan deportasiya ediləcək. Regional Daxili İşlər Nazirliyinin məlumatına görə, onlara qarşı ümumilikdə 142 inzibati protokol tərtib edilib.
Polis əməkdaşları Moskva vilayətinin Koledino kəndindəki anbar kompleksini yoxlamaq üçün "əməliyyat və profilaktik tədbir" keçiriblər. Asiya, Latın Amerikası və Şimali Afrikadan olan miqrantlar saxlanılıb. Rusiyada qalma qaydalarını pozduqlarına görə qırx altı protokol (Rusiya İnzibati Xətalar Məcəlləsinin 18.8-ci maddəsi) və qanunsuz əmək fəaliyyətinə görə 96 protokol tərtib edilib (Rusiya İnzibati Xətalar Məcəlləsinin 18.10-cu maddəsi).
Daxili İşlər Nazirliyi aydınlaşdırıb ki, hər bir qayda pozan 5000 rubl məbləğində cərimə olunub və "sonradan ölkədən məcburi deportasiya edilib". Polis həmçinin işəgötürənini inzibati məsuliyyətə cəlb etmək istəyir.
Əziz MUSTAFA
