Трамп F-35 təyyarələrinin Səudiyyə Ərəbistanına satışını təsdiqlədi
Prezident Donald Trump, Səudiyyə Ərəbistanına ABŞ istehsalı olan F-35 döyüş təyyarələrinin satışını təsdiqləməyi planlaşdırdığını bildirib.
Bu barədə Oxuməni.az “Reuters”-ə istinadən məlumat verir.
"Biz bunu edəcəyik, F-35-ləri satacağıq", - Tramp Səudiyyə Ərəbistanı vəliəhdi Məhəmməd bin Salmanı Vaşinqtonda qəbul etməzdən bir gün əvvəl Oval Ofisdə jurnalistlərə bildirib
Satış, ABŞ-ın siyasətində əhəmiyyətli bir dəyişiklik ola bilər və Yaxın Şərqdə, xüsusilə İsrailin "keyfiyyətli hərbi üstünlük" prinsipinə təsir göstərə bilər, agentlik yazır.
Səudiyyə Ərəbistanı 48 ədəd F-35 döyüş təyyarəsi almaq istəyir ki, bu da potensial olaraq çoxmilyardlıq bir razılaşmadır.
Bu dövlət, ABŞ silahlarının ən böyük alıcısıdır və illərdir ki, F-35 döyüş təyyarəsini əldə etməyə çalışır ki, bu da onun hava qüvvələrini modernləşdirmək və regional təhdidlərə, xüsusilə İrandan gələn təhdidlərə qarşı mübarizə aparmaq məqsədini güdür.
İlin əvvəlində Səudiyyə Ərəbistanı Trumpa birbaşa təyyarə almaq üçün müraciət edib.
“Reuters”-in anonim qalmağı üstün tutan ABŞ rəsmilərinin verdiyi məlumata görə, Pentaqonun siyasi bölməsi aylarla potensial razılaşma üzərində işləyib.
Vaşinqton, Yaxın Şərqdə silah satışını İsrailə "keyfiyyətli hərbi üstünlük" təmin edəcək şəkildə qiymətləndirir. Bu, İsrailin ərəb dövlətlərindən daha mükəmməl ABŞ silahları almasını təmin edir.
Lakin agentlik qeyd edir ki, ABŞ Konqresi döyüş təyyarələrinin satışında problemlər yarada bilər. Çünki bəzi qanunvericilər, 2018-ci ildə Səudiyyə jurnalisti Camal Haşoqcinin öldürülməsindən sonra, Ər-Riyad ilə hərbi əməkdaşlığın dərinləşməsinə qarşıdırlar.
Almaz Həsənli
