Rusiyadan Azərbaycana göndərilən mal əti konservlərində donuz əti tapılıb

10:16

Bəyəndim (1) Bəyənmədim (0)

Rusiyadan Azərbaycana göndərilən mal əti konservlərində donuz əti tapılıb. "Glavprodukt" şirkəti tərəfindən istehsal olunan "Semeynıy Büdjet” (Ailə Büdcəsi) markalı konservlərdə donuz əti DNT-si aşkar edilib. Bu barədə “All Exclusive” Telegram kanalı genetik analizin nəticələrinə istinadən məlumat verib.
“The Insider”-in əvvəllər xəbər verdiyi kimi, bu ilin iyul ayında şirkət milliləşdirilib və daha əvvəl o, faktiki olaraq keçmiş kənd təsərrüfatı naziri ilə əlaqəli olan "Drujba Narodov" müəssisəsinin nəzarəti altına keçib.
2025-ci ilin sentyabr ayında aparılan təhlilə görə, " Semeynıy Büdjet " markalı konservlərdə 500 qramlıq konservləşdirilmiş "Sus scrofa" növünə (yəni donuz) aid heyvanın DNT-si tapılıb. Onun istehsalçısı Oryol bölgəsindəki "Glavprodukt" törəmə müəssisəsi olan "Orelprodukt" ASC-dir.
“The Insider” bu barədə Orelprodukt-a, eləcə də Orta Asiya və Azərbaycanda mal əti konservlərində əsas distribyutorlarına sorğu göndərib. Dərc olunduğu vaxta redaksiya heyəti sorğuya cavab almayıb.
Sənədlərə görə, Azərbaycana çatdırılmalar “Sham-Fi International Trading Company” vasitəsilə həyata keçirilib.
Almaz Həsənli