Gürcüstan kəşfiyyat orqanları BBC-ni qəsdən dezinformasiya yaymaqda ittiham edib

Gürcüstan Dövlət Təhlükəsizlik Xidməti (DTX) araşdırmaya əsasən, Britaniya Yayım Korporasiyasının (BBC) hesabatında polisin 2024-cü ilin noyabr-dekabr aylarında Tbilisidə müxalifət etirazlarını dağıtmaq üçün qadağan olunmuş zəhərli kimyəvi maddədən istifadə etməsi barədə irəli sürülən iddiaları təkzib edib.

DTX-nin açıqlamasında deyilir: "İstintaq zamanı əldə edilən məlumatlar bizə BBC filmində Gürcüstanda etirazçılara qarşı "Kamit" zəhərli maddəsinin istifadəsi ilə bağlı təqdim edilən məlumatların qəsdən dezinformasiya olduğuna və Gürcüstanın maraqlarına zərər vurmaq məqsədi daşıdığına dair təkzibolunmaz dəlillər təqdim edir".

Qeyd olunub ki, müəlliflərlə birlikdə Gürcüstan vətəndaşları BBC filminin istehsalında iştirak ediblər və "Gürcüstana qarşı düşmənçilik məqsədlərinə çatmaq" üçün cəlb ediliblər. Agentlik bildirir ki, istintaq Cinayət Məcəlləsinin xarici təşkilata düşmənçilik fəaliyyətində kömək etmək maddəsi ilə davam edir.

Bu həftənin əvvəlində Gürcüstanın Baş naziri İrakli Kobaxidze jurnalistlərə bildirib ki, BBC Tbilisidə etirazçılara qarşı Birinci Dünya Müharibəsi dövrünə aid "Kamit" adlı kimyəvi maddənin istifadəsi ilə bağlı açıq-aşkar yalan yayıb.
Əziz MUSTAFA