ABŞ Nümayəndələr Palatası Venesuelada hərbi əməliyyatlara qarşı qətnaməni rədd etdi

ABŞ Nümayəndələr Palatası üzvlərinin əksəriyyəti Konqresin təsdiqi olmadan Venesuelaya qarşı hərbi əməliyyatlarda Amerika hərbi qüvvələrinin istifadəsini məhdudlaşdıran qətnamənin əleyhinə səs verdi.
Konqresin 211 üzvü qətnaməni dəstəklədi, 213-ü isə əleyhinə səs verdi.

Sənədin mətninə görə, ABŞ prezidenti Konqresin müvafiq icazəsi olmadan "Venesuelada və ya ona qarşı" döyüşdə silahlı qüvvələrin istifadəsinin qarşısını almalıdır.

Sənəd sözdə razılaşdırılmış qətnamə kimi təqdim edildi. Bu cür aktlar Konqresin hər bir palatasında ayrıca qəbul edilir, heç bir hüquqi qüvvəyə malik deyil və tövsiyə xarakteri daşıyır. Bu şəkildə qanunvericilər müəyyən bir məsələ ilə bağlı mövqelərini bildirirlər və icra hakimiyyəti bu cür sənədləri qulaqardına vurmaq hüququna malikdir.

ABŞ Konstitusiyası müharibə elan etmək səlahiyyətini prezidentə deyil, Konqresə verir. Lakin son onilliklərdə ABŞ administrasiya rəhbərləri qanunvericilər tərəfindən xaricdə hərbi güc tətbiq etmək, o cümlədən prinsipcə yeni və genişmiqyaslı əməliyyatlara başlamaq üçün verilən səlahiyyətləri çox geniş şəkildə şərh ediblər.

Əziz MUSTAFA