Telegram Rusiyanın xarici xüsusi xidmət orqanları ilə əməkdaşlıq ittihamlarını rədd etdi

Telegram, messencerdə məlumatların şifrələnməsində heç bir pozuntu aşkar etmədiyini bildirdi. Beləliklə, Telegram Rusiya hakimiyyətinin xarici xüsusi xidmət orqanlarının platforma istifadəçilərinin yazışmalarına çıxışı olduğu barədə ittihamlarına cavab verib. Bu barədə Oxuməni.az “Kommersant”a istinadla xəbər verir.
"Rusiya hökumətinin şifrələnməmizi pozmaq barədəki iddiası, Telegram-ın qadağan edilməsini və vətəndaşları kütləvi müşahidə və senzura üçün nəzərdə tutulmuş dövlət tərəfindən idarə olunan mesajlaşma platformasından istifadə etməyə məcbur etməyi haqlı çıxarmaq məqsədi daşıyan qəsdən uydurmadır", - deyə Telegram-ın mətbuat xidməti Reuters-a bildirib.
Roskomnadzor fevralın 10-da Telegram-ı ləngitmək tədbirlərini gücləndirib. Tənzimləyici orqan, şirkət Rusiyada serverlər yerləşdirməsə və "Rusiya qanunvericiliyinə əməl etməsə" məhdudiyyətləri davam etdirəcəyi barədə vəd verib. Rəqəmsal İnkişaf Nazirliyi iddia edir ki, xarici xüsusi xidmət orqanları Telegram yazışmalarından əldə etdikləri məlumatları Rusiya ordusuna qarşı döyüş əməliyyatları aparmaq üçün istifadə edirlər.
Almaz Həsənli