Polşa Patriot batareyalarını Yaxın Şərqə yerləşdirməkdən imtina edib
Polşanın Patriot hava hücumundan müdafiə raket sistemlərini Yaxın Şərqə yerləşdirmək planı yoxdur. Oxuməni.az xəbər verir ki, bu barədə Baş nazirin müavini və milli müdafiə naziri Vladislav Kosiniak-Kamış 31 martda özünün X sosial media səhifəsində (əvvəllər Twitter) məlumat verib.
Daha əvvəl “Rzeczpospolita” qəzeti ABŞ-ın Polşadan Yaxın Şərqə sonrakı yerləşdirmə üçün Patriot hava hücumundan müdafiə raket sistemi batareyası təmin etməsi tələbi barədə məlumat vermişdi.
"Patriot batareyalarımız və onların silahları Polşa hava məkanını və NATO-nun şərq cinahını qorumağa xidmət edir. Bu baxımdan heç nə dəyişməyib və onları heç yerə köçürmək planımız yoxdur", - deyə o qeyd edib.
Onun sözlərinə görə, Polşanın müttəfiqləri Polşa hava hücumundan müdafiə qüvvələrinin hazırkı missiyalarından xəbərdardırlar və onların əhəmiyyətini bölüşürlər. O əlavə edib ki, Polşanın təhlükəsizliyini qorumaq prioritetdir.
Almaz Həsənli
