Telegram Rusiyada tamamilə işini dayandırıb

Rusiyada Telegram messencerinə edilən uğursuz sorğuların nisbəti 100%-ə çatıb. Əvvəllər bu rəqəm 64% idi. Bu barədə Oxuməni.az “detector404.ru” saytının məlumatlarına istinadla xəbər verir.
Xidmət bildirir ki, "Messencerə edilən uğursuz sorğuların nisbəti 64%-dən 100%-ə yüksəlib". Ölkə daxilində istifadəçilər tətbiqə daxil ola bilmədiklərini, mesaj göndərə və ya ala bilmədiklərini bildirirlər. Kəsintilər səhər saat 9-da başlayıb və hələ də davam edir.
İstifadəçilərin əsas şikayətləri bunlardır: veb sayt yüklənmir, media yüklənmir, tətbiq açılmır və bu gün işləmir. Son 24 saat ərzində istifadəçi hesabatlarına əsaslanan statistikaya görə, mobil tətbiq ən yüksək nasazlıq nisbətinə malikdir (51%).
Aprel ayına qədər ölkədə Telegram-ın əlçatanlığı 20%-ə düşüb. “Rostelecom”-un baş direktoru Mixail Oseevski T2 şəbəkəsində messencer trafikinin on dəfə azaldığını bildirib.
Lakin bir çox rusiyalı VPN istifadə edərək Telegram-dan istifadə etməyə davam edir. Messencerin təsisçisi Pavel Durov onların sayının gündəlik 65 milyon istifadəçi olduğunu təxmin edib. O, həmçinin "rəqəmsal müqavimət" kampaniyasının başladığını elan edib və Telegram trafikini Chrome brauzeri kimi gizlədən və bloklanmanı aradan qaldırmağa kömək edən yeniləmə yayımlayıb.
Almaz Həsənli