Rusiya Avropadakı dron fabriklərini vurmaqla hədələyir
Rusiya Müdafiə Nazirliyi Ukrayna üçün hücum dronları və komponentlərinin istehsalında iştirak etdiyini iddia etdiyi iki Avropa şirkətinin siyahısını dərc edib. Bu yerlərin "ünvanları" açıqlanıb. Siyahıya Çexiya, Birləşmiş Krallıq, Almaniya, Danimarka, Latviya, İtaliya, Türkiyə və İsrail daxildir.
Rusiya Müdafiə Nazirliyi iddia edir ki, 26 martda bir neçə Avropa ölkəsinin rəhbərliyi Ukrayna üçün PUA-ların istehsalını və təchizatını artırmaq qərarına gəlib. Bu qərara əsasən, "Ukrayna Silahlı Qüvvələrində artan itkilər və işçi qüvvəsinin çatışmazlığı fonunda" Rusiyaya qarşı zərbələr endirmək məqsədi güdülür.
Rusiya Müdafiə Nazirliyinin açıqlamasında iddia edilir ki, Avropa Ukrayna ərazisində "Ukrayna" və "birgə" müəssisələri maliyyələşdirməklə Ukrayna üçün dron istehsalını artırmağı planlaşdırır.
"Ukrayna Şirkətlərinin Avropadakı Filialları" adlanan birinci siyahıya London, Münhen, Riqa, Vilnüs və Praqa da daxil olmaqla müxtəlif şəhərlərdə 11 şirkət daxildir. "Komponentlər İstehsal Edən Xarici Müəssisələr" adlanan ikinci siyahıya bəziləri Madrid, Venesiya və Hayfada yerləşən daha 10 şirkət daxildir.
Rusiya Müdafiə Nazirliyi bu siyahıları Avropa ölkələri vətəndaşlarının "təhlükəsizliklərinə təhdidlərin səbəblərini başa düşmələri" və Rusiyanın sözlərinə görə, Ukrayna üçün dronlar və onların komponentləri istehsal edən müəssisələrin ünvanlarını bilmələri üçün dərc etdiyini bildirib.
Rusiya Təhlükəsizlik Şurasının sədr müavini Dmitri Medvedev dərc olunmuş siyahını "Rusiya silahlı qüvvələri üçün potensial hədəflərin siyahısı" adlandırdı və bildirdi ki, bu cür zərbələrin həyata keçirilməsi "gələcək inkişaflardan asılıdır".
O, X sosial şəbəkəsində yazıb: "Zərbələrin nə vaxt reallaşacağı bundan asılıdır. Rahat yatın, avropalı tərəfdaşlar".
Əziz MUSTAFA
