Makron 2027-ci ildə siyasətdən getməyi planlaşdırır

Fransa Prezidenti Emmanuel Makron 2027-ci ildə səlahiyyət müddəti bitdikdən sonra siyasətdən ayrılacağını açıqladı. Bu barədə Oxuməni.az Le Figaro-ya istinadən məlumat yayıb.
Makronun sözlərinə görə, on il hakimiyyətdə olduqdan sonra, 2027-ci ildə Yelisey Sarayından ayrıldıqdan sonra artıq siyasətlə məşğul olmayacaq.

"Mən əvvəllər siyasətlə məşğul olmamışam və bundan sonra da məşğul olmayacağam", - deyə o, qeyri-rəsmi Aİ liderlərinin sammiti üçün rəsmi səfərdə olduğu Kiprin paytaxtı Nikosiyadakı Franko-Kipr məktəbində məktəblilərlə söhbəti zamanı bildirib.
Fransa prezidenti həmçinin qeyd etdi ki, prezidentliyinin son onilliyinin ən çətin hissəsi hələ də tam olaraq bacarmadığı şeyləri düzəltmək üçün enerjiyə malik olmaqla yanaşı, nailiyyətlərini müdafiə etməkdir.

"Doqquz ildən sonra ən çətin şey yaxşı etdiyinizi qorumaq və irəliləməyə çalışmaqdır, amma bəzən səhv etdiyinizi düzəltməlisiniz", - deyə Makron əlavə etdi.

Fransada prezident seçkiləri 2027-ci ilin aprelində keçiriləcək.
Xatırladaq ki, ötən ilin sonunda Fransa prezidenti Emmanuel Makrona etibar reytinqi 50 ilin ən aşağı nöqtəsinə çatdı. Bir sorğuya görə, bu rəqəm o zaman cəmi 11% təşkil edirdi.

Makronun populyarlığı təqaüd yaşını artırmaqla bağlı populyar olmayan qərarından və 2024-cü il seçkilərində ifrat sağçıların qələbəsindən sonra parlamenti buraxmaq qərarından sonra aşağı düşdü.

Əziz MUSTAFA