Çexiya Xüsusi Tribunalın yaradılmasına qoşulub

14:00

Bəyəndim (2) Bəyənmədim (0)

Çexiya Ukraynaya qarşı Təcavüz Cinayətinə dair Xüsusi Tribunalın Rəhbər Komitəsi haqqında Genişləndirilmiş Qismən Sazişi dəstəkləyən 23-cü ölkə olub. Bu barədə Ukraynanın xarici işlər naziri Andrey Sibiha bildirib.

Son qərarın 14-15 may tarixlərində Avropa Şurası Nazirlər Komitəsinin Kişinyovda keçiriləcək iclasında qəbul edilməsi gözlənilir.

Ukrayna Rusiya Federasiyası üçün Xüsusi Tribunalın 2026-cı ildə işə başlayacağını gözləyir.

25 iyun 2025-ci ildə Ukrayna və Avropa Şurası Rusiyaya qarşı Xüsusi Tribunalın yaradılması haqqında saziş imzaladılar. Bu, hibrid və ya milli qurum deyil, beynəlxalq qurum statusuna malik olacaq. Onun məqsədi Ukraynaya qarşı cinayətkar müharibəyə başlayan Rusiyanın hərbi-siyasi rəhbərliyini məsuliyyətə cəlb etməkdir.

Bu yaxınlarda Portuqaliya, İslandiya, Polşa və Fransa Ukraynaya qarşı Təcavüz Cinayətinə dair Xüsusi Tribunalın Rəhbər Komitəsi haqqında Genişləndirilmiş Qismən Sazişə qoşuldular.

Prezident Aparatı Xüsusi Tribunalın rəsmi olaraq 2027-ci ildə fəaliyyətə başlayacağını gözlədiklərini bildirdi. Onun yaradılması prosesi əsas hüquqi hazırlıqları başa çatdıraraq aktiv icra mərhələsinə qədəm qoyub.

Əziz MUSTAFA