Ukrayna və Norveç uzun mənzilli mərmilər istehsal edəcək

16:12

Bəyəndim (0) Bəyənmədim (0)

Ukrayna və Norveç birgə 155 mm-lik uzun mənzilli artilleriya mərmiləri istehsal edəcəklər. Prezident Volodimir Zelenski bunu 10 may bazar günü elan etdi.

"İndi Norveçlə yeni və çox güclü bir razılaşmamız var: uzun 155 mm-lik mərmilərin - məhz ehtiyac duyduğumuz mərmilərin birgə istehsalına başlayacağıq. Bu zəruri addım üçün Norveçə təşəkkür edirəm", - prezident dedi.

O, həmçinin qeyd etdi ki, hazırda PUA-lara üstünlük verilməsinə baxmayaraq, artilleriyaya ehtiyac qalır.

“Cəbhə xəttindəki əsgərlərimiz, demək olar ki, bütün döyüş briqadalarında, uzun kalibrli artilleriyadan — uzun mənzilli artilleriya mərmilərindən danışırlar. Ölüm zonaları genişlənir və bütün növ dronların istifadəsi prioritetdir. Lakin əsgərlərin özləri deyirlər: artilleriya lazımdır. Xüsusilə də uzun mənzilli artilleriya”, - deyə prezident izah etdi.

Xatırladaq ki, aprelin sonlarında Ukrayna və Norveçin Ukrayna Silahlı Qüvvələri üçün dron istehsalına başladığı bildirilmişdi.

Norveç PURL proqramına 300 milyon dollardan çox vəsait ayırıb.

Əziz MUSTAFA