Google Trampın Atlantik Okeanının adını dəyişdirmək tələbini rədd edib

ABŞ lideri şirkətdən Ontario Gölündə olduğu kimi okeanın adını dəyişdirməyi xahiş etdi, lakin bu dəfə rədd edildi.
ABŞ prezidenti Donald Tramp Google-un baş direktoru Sundar Piçaydan Atlantik Okeanının adını dəyişdirməyi xahiş etdi, lakin şirkət belə bir konkret tələbi rədd etdi.

Oxuməni.az xəbər verir ki, bu barədə The Guardian məlumat yayıb. Məlumata görə, ABŞ liderinin özü bunu Cənubi Karolinada keçirilən mitinq zamanı açıqlayıb.
O, Google-un baş direktoruna zəng etdiyini və şirkətin belə bir variantı nəzərdən keçirməyə hazır olub-olmayacağını soruşduğunu söylədi.

"Mən yalnız iki okeanı sevirəm: Atlantik və Sakit okean. Trampın və ya Amerikanın adını başqa heç bir okeana verməyəcəyəm. Ona görə də Atlantik okeanını ciddi şəkildə nəzərdən keçirirdik və Google Maps-ə zəng etdim və onlar Ontario gölü ilə bağlı mənə çox mehriban idilər... Mən dedim ki, 'Sundar, mən Atlantik okeanı haqqında düşünürəm'", - deyə Amerika prezidenti iddia etdi.

Lakin Piçai Ağ Ev rəhbərinin təşəbbüsünü dəstəkləməkdən imtina etdi.

"Xeyr, xeyr, xeyr! Bu dəfə bunu etməyəcəyəm... Okeanlar fərqlidir, cənab. Onlar... bir çox ölkəni əhatə edir. Xahiş edirəm bizdən bunu etməyimizi istəməyin", - deyə Tramp Google rəhbərinin cavabını çatdırdı.

Xatırladaq ki, Donald Tramp Ontario gölü və Meksika körfəzi ilə bağlı qərarlardan sonra daha bir neçə su hövzəsinin adının dəyişdirilməsi ehtimalını qaldırıb.

Əziz MUSTAFA