Bir qrup jurnalistin, dövlət rəsmisinin Füzuli, Hadrut və Şuşaya səfəri başlayıb

Bir qrup jurnalistin, dövlət rəsmisinin Füzuli, Hadrut və Şuşaya səfəri başlayıb

30 İyul 2021 09:43
Bəyəndim (0) Bəyənmədim (0)

Azərbaycan Respublikasının işğaldan azad edilmiş ərazilərdə məsələlərin mərkəzləşdirilmiş qaydada həlli ilə bağlı Əlaqələndirmə Qərargahının nəzdindəki İdarələrarası Mərkəzin Nəqliyyat, rabitə və yüksək texnologiyalar üzrə, Şəhərsalma məsələləri və Elm, təhsil və mədəniyyət məsələləri üzrə işçi qrupların və bir qrup jurnalistin Füzuliyə, Hadruta, Şuşaya səfəri başlayıb.

Oxuməni.az xəbər verir ki, səfər zamanı Füzuli Hava Limanının tikintisi ərazisinə baxış keçiriləcək.

Səfər çərçivəsində eyni zamanda Füzuli şəhərinin ərazi planlaşdırma sənədlərinin hazırlanması ilə bağlı təqdimat ediləcək. Bununla yanaşı, Füzuli - Hadrut avtomobil yolunda minatəmizləmə işləri ilə tanışlıq aparılacaq və Zəfər Yolunun tikintisinə baxış keçiriləcək. Səfər zamanı Şuşa şəhərinin ərazi planlaşdırma sənədlərinin hazırlanması ilə bağlı qısa məlumat veriləcək. Şuşa şəhərində Suşa Radio-Televiziya Yayım Stansiyasına, Şuşa Rabitə Qovşağının binasına, eləcə də şəhərdə mövcud olan telekommunikasiya infrastrukturuna, Şuşa Avtovağzalının binasına və mövcud yol infrastrukturuna baxış keçiriləcək.

Hadrutda işçi qruplarının toplantısı keçiriləcək.