Qızdırmadan ölənlərin sayı 1600-ü keçib

Banqladeşdə ilin əvvəlindən «Dang» qızdırmasından ölənlərin sayının 1600-ü keçdiyi açıqlanıb. Banqladeş Səhiyyə Xidmətləri Baş Müdirliyinin (DGHS) verdiyi açıqlamada, ölkədə son 24 saatda 8 nəfərin «Dang» qızdırmasından öldüyü bildirilib.

Açıqlamada qeyd olunub ki, bu ilin əvvəlindən «Dang» qızdırması səbəbindən ölüm halları 1600-ü keçib.

Bu gün aşkarlanan 920 yeni hadisənin xəstəxanalara göndərilməsi ilə ümumi yoluxma sayının 309 mini keçdiyi, ölkə daxilində 3 min 493 xəstənin xəstəxanalarda müalicə olunduğu paylaşılıb. Tropik və subtropik bölgələrdə baş verən «Dang» qızdırması insanlara ağcaqanadlar vasitəsilə keçir. İnkubasiya dövründən sonra ümumiyyətlə yüngül qızdırma ilə müşahidə olunan xəstəlik bəzi hallarda ölümlə nəticələnir.

Ümumiyyətlə yağışlı dövrlər kimi tanınan mart, iyun, sentyabr və dekabr aylarında hadisələrin sayı artır.

Alimlər bildirirlər ki, yüksək temperatur və uzun sürən yağışlar malyariya daşıyan ağcaqanadların artmasına səbəb olur.

Bu xəstəliyə səbəb olan ağcaqanad növləri su hövzələrində sürfələr yaratdığından, mümkün çoxalma sahələrinin daim dezinfeksiya edilməsi lazımdır.

Banqladeşdə «Dang» qızdırması səbəbindən bir ildə ən çox ölüm halı daha əvvəl 2022-ci ildə 281 olaraq qeydə alınmışdı.

Oxuməni.az