Bəzi uşaqlar genetik olaraq yuxusuzluğa meylli ola bilər

Uşaqlarda genetika və yuxu pozğunluqları ilə bağlı yeni araşdırmalar göstərir ki, ən azı bir valideyndə xroniki yuxu problemi varsa, uşaqda erkən sağlam yuxu vərdişləri yaratmaq çox vacibdir. Məşhur inancın əksinə olaraq, erkən yaşlarda “yuxusuzluq” kimi yuxu problemlərindən əziyyət çəkmək mümkündür.

Yetkinlər üzərində aparılan araşdırmalarda “yuxusuzluq” kimi yuxu problemlərinə genetik meylin aşkarlanması alimləri eyni hadisənin uşaqlarda da olub-olmaması ilə maraqlandırıb.

Mütəxəssislər deyirlər ki, yuxu problemlərinə genetik meyl də erkən yaşlarda aşkar edilə bilər.

«Journal of Child Psychology and Psychiatry» jurnalında dərc olunan araşdırmaya görə, yuxuya getməkdə çətinlik çəkmək və ya gecə boyu tez-tez oyanmaq kimi problemlər genetik olaraq yuxusuzluğa meylli uşaqlarda daha çox rast gəlinir.

Mütəxəssislər, yuxu problemlərinə genetik meylin tapmacanın yalnız bir parçası olduğunu, buna görə də uşaqlarınızda yuxu rejimini qorumağın vacib olduğunu söyləyirlər.

Uşaqların yuxu rejimini erkən yaşda qurmaq və sağlam bir yuxu keçirmələrini təmin etmək üçün son yeməklərini yatmazdan bir neçə saat əvvəl vermək və yatdıqları otağı mümkün qədər qaranlıq saxlamaq faydalı ola bilər…

Oxuməni.az