Alimlər yandırılmış çörəyin xərçəngə səbəb olub-olmadığını müəyyən ediblər

Yanmış çörəyin tərkibində DNT-yə zərər verə bilən və xərçəng riskini artıran zərərli birləşmə var. Lakin onun konsentrasiyası o qədər aşağıdır ki, sağlamlığa ciddi təhlükə yaratmır. Oxuməni.az “Gazeta.ru”-ya istinadən xəbər verir ki, bunu Böyük Britaniyanın “Cancer Research UK” xərçəng araşdırmaları üzrə xeyriyyə və tədqiqat təşkilatının nümayəndəsi Ed Yanq deyib.
Elm adamları nişastalı qidaların (kartof və çörək kimi) qızardılmasının həqiqətən də tütün tüstüsünün tərkibində olan potensial kanserogen maddə olan akrilamid istehsal etdiyini təsdiqləyiblər. Bununla belə, tədqiqat məlumatları göstərir ki, insanlar üçün real risklər çox şişirdilmişdir.
Yanq deyib ki, bir çox erkən heyvan təcrübələrində insanların pəhrizində istehlak edəcəyi miqdardan çox yüksək dozada akrilamid istifadə edilmişdir. Ona görə də bu cür tədqiqatların nəticələri insanlara tətbiq edilə bilməz.
Mütəxəssislər vurğulayırlar ki, xərçəngin inkişafı üçün əsas risk faktorları alkoqol, qırmızı və işlənmiş ət, həmçinin yağ, şəkər və duzda yüksək olan qidalardan müntəzəm istifadədir.

Almaz Həsənli