"Liverpul" çempionluğa doğru daha bir addım atıb

"Liverpul" çempionluğa doğru daha bir addım atıb. Çempionlar Liqasından kənarda qalan və İngiltərə Liqa Kubokunun finalında məğlub olan “qırmızılar” Premyer Liqada Mersisayd derbisində qalib gələrək azarkeşlərini sevindirib. "Everton"la gərgin keçən görüşdə "Liverpul" özünəməxsus oyun nümayiş etdirə bilib. Hər iki hissədə rəqiblərindən daha yaxşı oyun nümayiş etdirən "Liverpul" birinci hissədə ən azı 2-3 qol vəziyyətlərini boşa verdi. Bununla belə, ikinci hissədə "Liverpul"un hücumları nəticə verdi və Jota 57-ci dəqiqədə hesabı açdı. Vurulan qoldan sonra hər iki komandanın səylərinə baxmayaraq oyunda hesab dəyişmədi. Minimal hesablı qələbə nəticəsində "Liverpul" xallarının sayını 73-ə çatdıraraq liderliyini daha da möhkəmləndirdi. İndi "Liverpul" turnir cədvəlində ikinci yerdə gedən "Arsenal"ı 12 xal qabaqlayır. Çempionatın başa çatmasınıa 8 oyun qalıb və belə demək mümkünsə fövqəladə bir hadisə baş verməsə "Liverpul" növbəti çempionluğunu bayram edəcək.

Əziz Mustafa, Oxuməni.az