İsrail Qəzza zolağında Xan Yunisin cənubundakı əraziləri atəşə tutub
İsrail hərbçiləri Qəzza zolağında Xan Yunis şəhərinin cənubunda yerləşən əraziləri artilleriyadan atəşə tutub. Bu barədə Qətərin Əl-Cəzirə telekanalı məlumat yayıb.
Məlumata görə, zərbələr Əl-Faxari bölgəsində endirilib. Bundan əlavə, Rəfah şəhərinin şimal-qərb hissələri yeni artilleriya atəşinə məruz qalıb. Hələlik ölən və yaralananlar barədə məlumat yoxdur.
Bundan əvvəl Əl-Bureyc qaçqın düşərgəsinə, həmçinin Rəfah və Qəzza şəhərlərinə edilən hücumlar nəticəsində 14 nəfərin öldüyü bildirilirdi.
2023-cü il oktyabrın 7-də Qəzza zolağından HƏMAS yaraqlılarının girov götürülməsi ilə İsrail ərazisinə soxulmasından sonra Yaxın Şərqdə vəziyyət kəskin şəkildə pisləşib. Radikallar bu hücumu İsrail hakimiyyətinin Qüdsdəki Əl-Əqsa məscidinə qarşı hərəkətlərinə cavab adlandırıblar. İsrail Qəzzanı tam mühasirəyə aldığını elan edərək, Livan və Suriyanın müəyyən bölgələrinə qarşı cavab tədbirləri görməyə başlayıb.
Oxuməni.az
.jpg)
.jpg)