UEFA Azərbaycan millisinin oyununa biletlərin yarıdan çoxunun satışını qadağan edib

15 Noyabr 14:24

Bəyəndim (2) Bəyənmədim (0)

Azərbaycan və Estoniya yığmaları arasında keçiriləcək oyunda Qəbələdəki stadionun tribunaları cəmi 40%-ni doldura biləcək. Bu, UEFA-nın bu oyun üçün satışına icazə verilən biletlərin sayıdır.
UEFA futbol üzrə Azərbaycan və Estoniya milli komandaları arasında keçiriləcək oyuna biletlərin 60%-nin satışını qadağan edib.
Millətlər Liqasının bu oyunu gələn şənbə, noyabrın 16-da Qəbələdə keçiriləcək.
Arenanın tutumu 4,5 min tamaşaçı olsa da, cəmi 1,8 min bilet satışa çıxarılıb. Buna səbəb bir neçə tribunanın UEFA standartlarına cavab verməməsidir. Təşkilat izah edib ki, stadionda azarkeşlərə xəsarət yetirə biləcək çıxıntılı dəmir konstruksiyalar var.
Xatırladaq ki, əvvəlcə oyun Bakıda keçirilməli idi, lakin COP29 ilə əlaqədar olaraq görüş başqa şəhərə köçürülüb.
Almaz Həsənli