Rolling Stones Kit Riçardsın səhhəti ilə əlaqədar 2026-cı il qastrol turunu ləğv edib

Rok qrupu The Rolling Stones, 2026-cı il üçün planlaşdırılan Böyük Britaniya və Avropa qastrol turunu ləğv edib.
Oxuməni.az-ın məlumatına görə, bu barədə “Variety” qrupla yaxın mənbəyə istinadən xəbər verib.
Səbəb, dekabrın 18-də 82 yaşı tamam olacaq Kit Riçardsın dörd aylıq qastrol turunda iştirak etməkdən imtina etməsidir.
Son illərin konsertləri göstərib ki, musiqiçi artritlə uzun müddətli mübarizə səbəbindən böyük çətinliklərlə üzləşir, bu da onun ifa tərzini dəyişməyə məcbur edib.
Turun ləğv edilməsi qərara alınıb, lakin yeni albom üzərində işlər tam sürətlə davam edir.
Cagger və Riçardsın sözlərinə görə, qrupun 35 yaşlı prodüseri Endryu Vatt, 2023-cü ildə onlara 15 ilin ilk orijinal material albomu olan "Hackney Diamonds"ı buraxmağa kömək edən qrupa yeni enerji qatıb.
2000-ci illərin əvvəllərindən bəri The Stones demək olar ki, hər il qastrol səfərlərində olub, lakin qrupun üç əsas üzvü - Mik Cagger (82 yaş), Ron Vud (78 yaş) və Kit Riçards (81 yaş) yaşlandıqca onların marşrutları hər il daha qısa olur.
Almaz Həsənli