Tramp 2028-ci il Olimpiadası öncəsi idmançıların ciddi cinsiyyət yoxlamasından keçəcəyini bildirib

ABŞ prezidenti Donald Tramp bildirib ki, 2028-ci il Los-Anceles Olimpiadasında iştirak etməyi planlaşdıran idmançılar transseksualların qadın yarışlarında yarışmasına icazə verilməməsi üçün ciddi sınaqlardan keçəcəklər.

Dövlət başçısına mətbuat konfransında ABŞ Ədliyyə Nazirliyinin boks yarışlarında iştirak edən trans qadınlara qarşı ittiham irəli sürmək imkanını nəzərdən keçirib-keçirməyəcəyi barədə sual verildi. Jurnalist həmçinin Tramp administrasiyasının bu insanların həqiqətən qadın olduqlarını sübut edə bilmələri üçün genetik testlərin keçirilməsi imkanını nəzərdən keçirib-keçirməyəcəyini dəqiqləşdirdi.

Tramp deyib ki, o, baş prokuror Pam Bondiyə ittiham irəli sürmək barədə soruşmalıdır.

"Ancaq sınaqlar çox və çox ciddi olacaq və test nəticələri qənaətbəxş olmasa, idmançılar Olimpiadada iştiraka buraxılmayacaqlar", - “USA Today” Trampın sözlərindən sitat gətirir.

Fevral ayında Tramp transseksual kişilərə ABŞ-da qadınların idman yarışlarında iştirakını qadağan edən sərəncam imzalayıb. Amerika Birləşmiş Ştatlarının Olimpiya və Paralimpiya Komitəsi daha sonra transseksualların qadın idmanlarında yarışmasının qarşısını almaq üçün qaydalarını dəyişdi.

Los-Anceles Olimpiadası 2028-ci il iyulun 14-dən 30-dək davam edəcək.

Almaz Həsənli