"Shell" Qazaxıstandan neft tədarükü üçün "Rosneft" ilə tərəfdaşlığa son qoyur

Britaniyanın neft və qaz nəhəngi "Shell" sanksiya tətbiq edilən Rusiya şirkəti "Rosneft" ilə tərəfdaşlığına son qoymağı planlaşdırır. Bu tərəfdaşlıq vasitəsilə şirkətlər Qazaxıstandakı neft kəmərində birgə paya sahibdirlər. Bu barədə Bloomberg məlumat verib.

"Shell" Xəzər Boru Kəməri Konsorsiumundakı payını saxlayacaq: o, sadəcə olaraq artıq sanksiya tətbiq edilən Rusiya şirkəti ilə birgə ona sahib olmayacaq. Bir neçə mənbə Shell-in planlarını anonimlik şərti ilə nəşrə təsdiqləyib.

2022-ci ilin mart ayından bəri "Shell" Rusiyanın Ukraynaya müdaxiləsi səbəbindən Rusiya qazı və neft idxalını tədricən dayandıracağını bildirib. Lakin şirkət əhəmiyyətli dərəcədə böyük olan Xəzər Boru Kəməri Konsorsiumu (CPC) birgə müəssisəsindən imtina etməyi planlaşdırmır.

CPC Qazaxıstandan Qara dəniz sahillərinə, Novorossiysk şəhərinə neft nəql edir. CPC səhmdarları arasında Rusiyanın sanksiya tətbiq etdiyi "Rosneft" və "Lukoil" şirkətləri, eləcə də bir neçə digər qlobal neft nəhəngi var.

Qeyd etmək lazımdır ki, Ukraynanın Novorossiyskə hücumlarından sonra Qazaxıstan ilk dəfə olaraq Rusiya boru kəmərlərini keçərək birbaşa Çinə neft tədarükünə başlayacaq. Əvvəllər Qazaxıstan neft tədarükü üçün Rusiya qurğularından istifadə edirdi.

Əziz Mustafa