ABŞ İran "Şahed"inin öz versiyasını yaratdı

ABŞ İranın Şahed-136 pilotsuz təyyarəsinin funksional və daha ucuz analoqu olduğu iddia edilən yeni LUCAS (Luc-Cost Uncrewed Combat Attack System) pilotsuz uçan aparatını təqdim edib.Oxuməni.az xəbər verir ki, bu barədə “Defence Blog” yazır.
Nəşr qeyd edir ki, Pentaqonun həyətində baş tutan pilotsuz təyyarənin təqdimat mərasimində ABŞ-ın müdafiə naziri Pit Heqset iştirak edib.
Bu LUCAS dronunun hazırlanması Arizona ştatının “SpektreWorks” şirkəti tərəfindən həyata keçirilib. İHA etibarlı və sərfəli dron kimi xarakterizə olunur. Minimum logistika ehtiyacları ilə çətin şəraitdə istifadə edilə bilər.
Bildirilir ki, dron müxtəlif növ faydalı yüklərin inteqrasiyasına imkan verən açıq arxitekturaya malikdir. Yəni o, müxtəlif tapşırıqları yerinə yetirməyə qadirdir - kəşfiyyatdan tutmuş zərbə missiyalarına və rabitə dəstəyinə qədər.
Materialda deyilir ki, PUA hədəf kimi və ya isteğe bağlı gücə malik döyüş pilotsuz təyyarəsi kimi fəaliyyət göstərə bilər. Dronu işə salmağın bir neçə yolu da var - yük maşınından və ya raket gücləndiricisindən istifadə etməklə. Bunun sayəsində sistemi tez bir zamanda yerləşdirmək mümkündür və bunun üçün şəxsi heyətin xüsusi hazırlığa ehtiyacı yoxdur.
LUCAS pilotsuz uçan aparatının digər dronlarla avtonom şəkildə qarşılıqlı əlaqə qura bildiyi göstərilir. Pilotsuz təyyarənin bort şəbəkəsi uçuş zamanı avadanlığı məsafədən dəyişmək imkanına malikdir və qurğu 28V və 12V mənbələrdən enerji alır.
Çox güman ki, LUCAS təkrarlayıcı kimi çıxış edəcək. İlkin məlumata görə, dron artıq sınaqlardan keçib və istehsala hazırdır.
Analitiklərin fikrincə, pilotsuz təyyarə ABŞ-ın səpələnmiş əməliyyatlar (qüvvələr və resurslar böyük əraziyə və ya müxtəlif istiqamətlərə yerləşdirildiyi zaman, - red.) potensialını gücləndirməyə qadirdir, xüsusən də Hind-Sakit okean regionunda.
Almaz Həsənli