İngiltərə, Kanada və Avstraliya Fələstini tanıdıqlarını elan etdilər

10:06

Bəyəndim (1) Bəyənmədim (0)

Bazar günü, sentyabrın 21-də İngiltərə, Kanada və Avstraliya Fələstin Dövlətini tanıdıqlarını elan etdilər.

Bu barədə Oxuməni.az Kanada, Britaniya və Avstraliya baş nazirlərinin bəyanatlarına istinadən məlumat yayıb.

Kanada Fələstinin müstəqilliyini rəsmən tanıyan ilk G7 ölkəsi oldu.

Baş nazir Mark Karni açıqlamasında 1947-ci ildən bəri Kanada hökumətinin siyasətinin Yaxın Şərqdə davamlı sülhə nail olmaq üçün iki dövlətli həll yolunu dəstəkləmək olduğunu qeyd edib.

"Bu, suveren, demokratik və yaşaya bilən Fələstin Dövlətinin yaradılmasını, gələcəyini İsrail Dövləti ilə birlikdə sülh və təhlükəsizlik içində qurmağı nəzərdə tuturdu" Karni dedi.

O vurğulayıb ki, Kanada onilliklər ərzində belə bir nəticənin sülh nizamlanması çərçivəsində əldə ediləcəyini gözləyirdi. Lakin bu fürsət həm Həmas, həm də İsrail tərəfindən pozuldu.

Oxuməni.az