Tramp administrasiyasında FTB rəhbəri Patelın mümkün istefası müzakirə olunur

Amerika administrasiyasında kadr dəyişiklikləri mümkündür. Qeyd olunur ki, Federal Təhqiqat Bürosunun (ing. Federal Bureau of Investigation, FBI (oxunuşu: Ef-Bi-Ay), FTB) direktoru Keş Patel, Quru Qoşunları naziri Daniel Driskoll və Əmək naziri Lori Çaves-Derimer vəzifədən azad oluna bilərlər. Bu təşəbbüs ABŞ prezidenti Donald Trampın özündən gəlib, o, bəzi strukturlarda, xüsusən də FTB -də qayda-qanun yaratmaq istəyir. Oxuməni.az xəbər verir ki, bu barədə "The Atlantic" jurnalı yazıb.
"Ağ Evin planlarından xəbərdar olan bir neçə şəxs bizə bildirib ki, FTB direktoru Keş Patel, Ordu katibi Daniel Driskoll və Əmək naziri Lori Çaves-Dəremər də daxil olmaqla, administrasiyadan digər şəxslərin ayrılması fəal müzakirə olunur", - deyə xarici mənbədən daxil olan məlumatda bildirilir.
Lakin bu təşəbbüs hələ müzakirə mərhələsindədir. Ağ Evin rəhbəri hələlik əməkdaşların azad edilməsi barədə yekun qərar qəbul etməyib. O, Yaxın Şərqdəki münaqişə səbəbindən tələsmir.
Daha əvvəl KİV-lər Milli Kəşfiyyat direktoru Tulsi Qabbardın da təhlükə altında olduğunu bildirmişdi. Tramp digər dövlət strukturlarının əməkdaşlarının ixtisarına verilən reaksiyaya görə onu da vəzifədən azad etməyi planlaşdırır.
Almaz Həsənli