Dünyada yeganə ağ Ferrari 250 GTO hərraca çıxarılıb
Unikal Ferrari 250 GTO Bianco Speciale Floridada baş tutacaq Mecum auksionunda hərraca çıxarılıb.
Oxuməni.az xəbər verir ki, bu barədə “auto.ru” yazır.
Avtomobilin özü bir kolleksiyaçı arzusudur, lakin 3729GT şassi nömrəli bu xüsusi nümunənin jurnalistlərin diqqətini cəlb etməsinin ən azı daha üç səbəbi var.
Birincisi, bu, Maranello zavodunda mirvari ağ rəngə boyanmış dünyada yeganə 250 GTO-dur.
İkinci səbəb, ikiqat Formula 1 çempionu olan britaniyalı yarış pilotu Qrem Hillin Qudvudda bu maşının sükanı arxasında ikinci yeri tutmasıdır.
Üçüncüsü, avtoidmanda qalib gəldikdən sonra, şassi 3729GT olan bu xüsusi Ferrari 250 GTO Bianco Speciale Gran Turismo 6-da rəqəmsal “əkiz” aldı. Sonradan o, Gran Turismo Sport və Gran Turismo 7-də göründü, lakin nömrə göstərilmədən.
Ümumilikdə, 1962-ci ildən 1964-cü ilə qədər Ferrari 250 GTO-nun 36 nüsxəsini istehsal etdi. Onlar nadir hallarda satışda görünür və olduqca bahalıdır.
Sonuncu dəfə V12 4.0 ilə 250 GTO 2023-cü ilin noyabrında Sotheby's auksionunda italyan brendi üçün rekord qiymətə - 51,7 milyon dollara satılıb.
Əvvəlki qiymət rekordu da 250 GTO-ya məxsus idi: 2018-ci ildə sportkar 48,4 milyon dollara satılmışdı.
2024-cü ilin sonunda 1959-cu il istehsalı olan Ferrari 250 GT California Spide hərraca çıxarıldı. O, Scaglietti tərəfindən alüminium kuzovlu yalnız səkkiz Competizione rodsterindən biri idi və 14 milyon dollar dəyərində qiymətləndirildi.
Satıcı indiki lotun qiymətini hələ açıqlamayıb.
Almaz Həsənli
