Zelenski Danimarka kralı ilə müdafiə sahəsində əməkdaşlığı müzakirə edib

Ukrayna Prezidenti Vladimir Zelenski Danimarka Kralı Frederik X ilə görüşərək Ukraynaya dəstəyə görə təşəkkür edib və hərbi tibb, müdafiə və veteranların reabilitasiyası sahəsində əməkdaşlığı müzakirə edib.

Bu barədə RBC-Ukrayna Ukrayna prezidentinin bəyanatına istinadən məlumat yayıb.

“Danimarkaya və Danimarka xalqına Rusiyanın tammiqyaslı təcavüzünün başlanğıcından Ukraynaya dəstək verdiyinə, hərbi və humanitar yardıma, birgə müdafiə istehsalının inkişafına və Ukraynanın müdafiə sənayesinə sərmayə qoyduğuna görə təşəkkür edirəm”.

Eyni zamanda, Zelenski bildirib ki, Danimarka kralı X Frederik ilə münaqişə zamanı zərər çəkmiş bölgələrə himayədarlıq, hərbi tibb sahəsində əməkdaşlıq və veteranlara dəstək layihələrini müzakirə ediblər.
"Mən Danimarka şirkətlərini birgə protezləşdirmə və reabilitasiya layihələrində iştirak etməyə dəvət etdim. Biz Danimarka hökumətinin döyüş aviasiya koalisiyasındakı liderliyini yüksək qiymətləndiririk. Danimarkanın Aİ Şurasına sədrliyi dövründə danışıqlar klasterlərinin açılması ilə bağlı güclü qərarlara ümid edirik", - o, yekunlaşdırıb.

Qeyd edək ki, bu gün əvvəl Danimarkanın baş naziri Mette Frederiksen Ukrayna ilə istehsal sahəsində əməkdaşlığa heyran olduğunu bildirib.

Əziz Mustafa, Oxuməni.az