Merz Mayamidə keçiriləcək G20-də Putinlə şəxsən danışmağa hazır olduğunu bildirib

Almaniya kansleri Fridrix Merz Rusiya diktatoru Vladimir Putinin Mayamidə keçiriləcək G20 sammitinə gələcəyi təqdirdə onunla danışmağa hazır olduğunu bildirib.

Oxuməni.az xəbər verir ki, bu barədə Westfalenpost-un məlumatında deyilir.

Hagendə vətəndaşlarla ictimai dialoq zamanı bir jurnalist Merzdən Putinlə görüşünün dekabrda baş tuta biləcəyini soruşub. O, cavabında bildirib ki, Rusiya diktatoru G20-yə gələrsə, belə bir ehtimaldan qaçmaq fikrində deyil.

"Aparıcının həmişə əlavə dövlət və hökumət başçılarını dəvət etmək hüququ var. Və hazırda bildiyimizə görə, Tramp Putini dəvət edib... Əgər o, orada olsa, onunla söhbət etmək fürsətindən çəkinməkdən yorulmayacağam", - kansler deyib.

O əlavə edib ki, hazırda Putinin G20-də olub-olmayacağı məlum deyil. Onun sözlərinə görə, Kreml rəhbəri hələ ki, razılıq verməyib.
Xatırladaq ki, ötən gün ABŞ dövlət katibi Marko Rubio Vaşinqtonun Rusiya xarici işlər naziri Sergey Lavrov və Rusiya diktatoru Vladimir Putini G20 sammitinə dəvət etmək qərarını əsaslandırıb. O, izah edib ki, ABŞ Moskva ilə əlaqə saxlamalıdır, əks halda sülhlə bağlı razılığa gəlmək mümkün deyil.

Öz növbəsində Aİ diplomatiyasının rəhbəri Kaja Kallas deyib ki, Putinin G20-də iştirakı Rusiyanın Ukraynadakı hərbi cinayətlərini normallaşdıra bilər. O, beynəlxalq ictimaiyyətin belə bir ssenariyə yol verməməli olduğunu vurğulayıb.

Onu da əlavə etmək lazımdır ki, ABŞ prezidenti Donald Tramp bu yaxınlarda Ukrayna prezidenti Vladimir Zelenskini G20-yə dəvət edə biləcəyini demişdi. O, bunda problem görmədiyini vurğulayıb.

Əziz MUSTAFA