Finlandiya məhkəməsi "Fitburg" yük gəmisinin rus kapitanını 3,5 il həbs cəzasına məhkum etdi
Helsinki Rayon Məhkəməsi "Fitburg"un kapitanı, Rusiya vətəndaşı Andrey Maksimenkonu Finlandiya körfəzində kabellərə zərər verdiyinə görə 3 il 6 ay həbs cəzasına məhkum edib. Oxuməni.az xəbər verir ki, bu barədə Finlandiya mediasının yaydığı məlumatda qeyd edilir.
Yük gəmisinin botsmanı, Azərbaycan vətəndaşı Vüsal Məcidov da məhkum edilib: o, 2 il 10 ay həbs cəzasına məhkum edilib. Məhkəmə hər ikisinə kompensasiya ödəməyi əmr edib.
Hər ikisi 25 dekabr 2025-ci ildə Estoniyanın eksklüziv iqtisadi zonasında Tallinn və Helsinki arasında iki telekommunikasiya kabelini kəsməkdə ittiham olunurdu. Zərərin bir hissəsi Finlandiyanın ərazi sularında da baş verib.
Milli Təhqiqat Bürosunun (NBI) araşdırmasına görə, "Fitburg" Finlandiya hakimiyyəti gəmini saxlamazdan əvvəl Finlandiya körfəzində qırılmış lövbəri dəniz dibi ilə ən azı 130 kilometr sürüyüb. Sent-Vinsent və Qrenadin adalarında bayraq altında olan yük gəmisi Rusiyadan İsrailə gedirdi.
Hər iki şəxs məhkəmədən əvvəl ittihamları qəbul etmədiklərini bildiriblər.
Fitburg gəmiçilik şirkətinin vəkili Herman Lyunqberq bildirib ki, Finlandiyanın bu iddiaları araşdırmaq səlahiyyəti yoxdur.
Əziz Mustafa
