Çin ABŞ və Rusiya ilə liderlərin mümkün üçtərəfli görüşü ilə bağlı danışıqlar aparır

Çin lideri Si Cinpin və onun komandası ABŞ prezidenti Donald Tramp və Rusiya lideri Vladimir Putin ilə danışıqlara hazırlıqlara başlayıb.

Oxuməni.az xəbər verir ki, bu barədə Çin Xarici İşlər Nazirliyinin sözçüsü Mao Ninq bildirib. Onun sözlərinə görə, həm Amerika lideri, həm də Kreml lideri bu ay Şençjendə keçiriləcək Asiya-Sakit Okean İqtisadi Əməkdaşlıq sammitində Si Cinpinlə görüşməkdə açıq şəkildə maraqlı olduqlarını bildiriblər.
"Çin Çin, Rusiya və ABŞ liderləri arasında mümkün görüşlə bağlı müvafiq tərəflərlə əlaqə saxlayır", Mao Ninq bildirib.

"Çin, Rusiya və ABŞ arasında üçtərəfli sammit müasir tarixdə görünməmişdir. Onun ən yaxın paraleli 1945-ci ildə Sovet diktatoru İosif Stalin, ABŞ prezidenti Franklin Ruzvelt və Böyük Britaniyanın Baş naziri Uinston Çörçillin İkinci Dünya Müharibəsində Nasist Almaniyasının məğlubiyyətə yaxınlaşması ilə Avropanın yenidən qurulmasını müzakirə etmək üçün görüşdüyü Yalta Konfransıdır", - deyə öz növbəsində Blomberq nəşri yazır.

Prezident Vladimir Zelenski ABŞ, Çin və Rusiya liderlərinin ehtimal olunan gələcək görüşünü qiymətləndirərək bildirib ki, Moskva bu danışıqlar formatında ən çox maraqlıdır.

Xarici medianın məlumatına görə, Tramp, Putin və Si arasında Çində mümkün sammit böyük dövlətlərin təsir dairələrini bölüşdürəcəyi dünya nizamına keçidi simvolizə edə bilər.

Əziz MUSTAFA