Özbəkistan səkkiz ayda dünya bazarına ötən ildəkindən daha çox qızıl ixrac edib.

Özbəkistan 2025-ci ilin yanvar-avqust aylarında 8,42 milyard dollar dəyərində qızıl satıb ki, bu da ötən ilin eyni dövrü ilə müqayisədə (4,99 milyard dollar) dəyərində 68,9% artım deməkdir. Bu barədə Milli Statistika Komitəsi məlumat yayıb.

Göndərmələr 2023-cü ildəki tarixi maksimumu (8,15 milyard dollar) keçib. Məbləğ həmçinin 2024-cü il üçün ümumi məbləği (7,48 milyard dollar) üstələyir.

Avqustda ölkə 836 milyon dollar dəyərində qızıl ixrac edib. Bundan əvvəl ixrac həcmi fevralda 1,73 milyard, martda 1,84 milyard, apreldə 1,91 milyard, mayda 1,01 milyard, iyulda isə 1,09 milyard dollar olub.

Bütün ixracın 36,7%-i qızılın payına düşür (2024-cü ilin yanvar-avqust ayları üçün 28,7%).

Milli Statistika Komitəsi satışın fiziki həcmini açıqlamır. Yeni rekord qlobal qiymətlərin artması ilə də əlaqələndirilə bilər. Ötən ay qiymətli metal 1 troy unsiyası üçün 3306,8 dollardan 3407,5 dollara yüksəlib. Sentyabrda onun qiyməti 3700 dollara yaxınlaşıb.

Avqustda Özbəkistanın beynəlxalq ehtiyatları 50 milyard dolları ötərək yeni rekorda imza atıb. Bunun 40 milyard dollardan çoxunu qızıl təşkil edib ki, bu da qiymətlərin qalxması və ehtiyatların 11,7 milyondan 11,8 milyon troya unsiyaya yüksəlməsi sayəsində yeni zirvədir.

Dünyanın dördüncü ən böyük qızıl istehsalçısı olan Nəvai Mədən-Metallurgiya Zavodu ilin birinci yarısında 48 tona yaxın qızıl hasil edib (illiklə müqayisədə 1,4% artım). Xalis mənfəət 72% artaraq rekord 1,5 milyard dollara çatıb. Gəlir 4,7 milyard dollara çatıb (40,9 faiz artıb).

Özbəkistan prezidenti Şavkat Mirziyoyev daha əvvəl geoloji kəşfiyyata yeni yanaşmaların tətbiqi ilə əlaqədar qızıl və uran hasilatının əhəmiyyətli dərəcədə artdığını açıqlamışdı. Onun sözlərinə görə, 2016-cı ildə qızıl hasilatı 86 ton idisə, bu il bu rəqəmin 118 tona çatacağı gözlənilir.

Əziz Mustafa