Adı açıqlanmayan braziliyalı iş adamı bütün sərvətini Neymara vəsiyyət edib

Adı açıqlanmayan braziliyalı iş adamı bütün mülkünü futbolçu Neymara vəsiyyət edib.
Oxuməni.az “The Sun”-a istinadən bildirir ki, Rio Qrande-du-Sul əyalətindən olan adı açıqlanmayan braziliyalı iş adamı Neymarı rəsmən sərvətinin yeganə varisi təyin edib. Vəsiyyətnamə bu ilin iyun ayında notariat kontorunda iki şahidin və notarius müavininin iştirakı ilə tərtib edilib.
Mirasın dəqiq məbləği açıqlanmayıb. Mənbənin bildirdiyinə görə, bura 6,1 milyard real dəyərində (indiki məzənnə ilə 1 milyard dollardan çox – red.) qiymətləndirilən çoxsaylı aktivlər, o cümlədən daşınmaz əmlak, investisiyalar və iri şirkətlərin səhmləri daxildir.
Kişi Neymarı şəxsən tanımır və onunla heç bir qohumluq əlaqəsi yoxdur. İş adamı vəsiyyətnaməsində “zehni qabiliyyətlərinə tam sahib olduğunu, heç bir məcburiyyət və təhrikə məruz qalmadığını” və qərarın yalnız oyunçuya olan heyranlığına görə verildiyini bildirib. Kişinin sözlərinə görə, Neymarda qohumluq ruhu görür və onu fədakar insan hesab edir.
Hazırda vəsiyyətnamənin qanuniliyini təsdiqləmək və Neymarı onun varisi kimi rəsmən tanımaq üçün Braziliya məhkəməsində baxılır. Futbolçunun nümayəndələri bu vəsiyyətlə bağlı rəsmi məlumat almadıqlarını bildiriblər. Neymar özü hələlik bu mövzu ilə bağlı heç bir şərh verməyib.
33 yaşlı Neymar Braziliyanın “Santos” klubunun yetirməsidir. O, 2025-ci ilin yanvarında Səudiyyə Ərəbistanının "Əl-Hilal" klubundan keçərək kluba qayıdıb. İyun ayında “Santos” hücumçunun müqaviləsinin uzadılması ehtimalı ilə 2025-ci ilin sonuna qədər uzadıldığını açıqlamışdı. O, Braziliya millisində 128 oyun keçirib və 79 qol vurub. O, vurduğu qolların sayına görə millinin rekorduna sahibdir.
Almaz Həsənli