Albaniyada müttəhim məhkəmə iclası zamanı hakimi öldürüb

Albaniyanın paytaxtı Tiranada bazar ertəsi istintaq altında olan şəxsin məhkəmə zalında hakimi güllələyərək öldürməsindən sonra üç nəfər həbs edilib. Oxuməni.az “Euronews”-a istinadən xəbər verir ki, bu barədə Tirana polisi məlumat yayıb.

Hakim Astrit Kalaya Tirana Apellyasiya Məhkəməsində mülki mübahisəyə sədrlik edərkən bir nəfər ona tapançadan atəş açıb.

Xəstəxanaya çatdırılan Kalaca dünyasını dəyişib.

Polisin məlumatına görə, atəş açan şəxs dinləmənin digər iki iştirakçısını da güllələyib: ata və oğlu. Onlar xəstəxanaya çatdırılıb və həyati təhlükəsi yoxdur.

Şübhəli şəxs, yalnız adının baş hərfləri ilə tanınan 30 yaşlı E.S. atışmadan dərhal sonra həbs edilib. “Euronews Albaniya” onu Elvis Şkambi kimi adlandırıb. Yerli mətbuatın yazdığına görə, o, işi uduzacağını bildiyi üçün atəş açıb.

Polisin bildirdiyinə görə, kişinin əmisi də, məhkəmənin mühafizəçisi də həbs edilib.

Səlahiyyətlilərə görə, mühafizəçi müttəhim və əmisini məhkəməyə daxil olarkən metal detektoru işə düşsə də, fiziki axtarış aparmayıb.

Albaniyanın baş naziri Edi Rama bazar ertəsi baş vermiş hadisəni "faciəli hadisə" adlandırıb və silahla bağlı cinayətlərə görə daha sərt cəzaların verilməsini istəyib.

“Hakimə qarşı cinayət aqressivliyi, şübhəsiz ki, təcavüzkara qarşı ən sərt hüquqi cavab tələb edir”, - o, X internet səhifəsində yazıb.

Albaniya prezidenti Bayram Beqay açıqlamasında hücumu pisləyib və bunu "bütün ədliyyə sisteminə dəhşətli hücum" adlandırıb.

Almaz Həsənli