Türkiyə iyuldan Bosfor və Dardanel boğazlarından keçən gəmilər üçün haqları 15% artıracaq

Türkiyə hakimiyyəti iyulun 1-dən etibarən illik tariflərin yenidən nəzərdən keçirilməsi çərçivəsində Bosfor və Dardanel boğazlarından keçən gəmilər üçün haqları 15% artıracaq. Oxuməni.az xəbər verir ki, “NTV” telekanalının məlumatına görə, indi haqq ton başına 6,7 dollar təşkil edəcək.
Keçən ilin iyul ayından etibarən Türkiyə boğazlarından keçid üçün ton başına 5,83 dollar alınır. Haqqın məbləği 1936-cı il tarixli Montrö Konvensiyası çərçivəsində gəmilərin tonajı əsasında hesablanır, bu konvensiya Bosfor və Dardaneldə gəmiçiliyi tənzimləyir.
Türkiyə hakimiyyəti 2022-ci ildən etibarən boğazlardan gəmilərin tranziti üçün tarifləri ildə bir dəfə artırır. Bu vaxta qədər haqq ton başına 0,8 dollar idi.
Türkiyə Nəqliyyat Nazirliyinin məlumatına görə, 2025-ci ildə Bosfor və Dardaneldən 40 mindən çox gəmi keçib. Gəmi başına orta hesabla haqq 15 min dollardan 30 min dollara qədərdir. Onlardan əldə edilən vəsait əsasən sahil xidmətlərinin, xilasedicilərin, həkimlərin fəaliyyətinin maliyyələşdirilməsinə, dəniz qəzalarının nəticələrinin aradan qaldırılmasına yönəldilir.
Almaz Həsənli