"Barselona" "Real Sosyedad"ı məğlub edərək La Liqanın turnir cədvəlinə başçılıq edib

13:32

Bəyəndim (1) Bəyənmədim (0)

Kataloniya təmsilçisi "Barselona" "Real Sosyedad"ı məğlub edərək, "Real Madrid"i qabaqlayaraq La Liqanın turnir cədvəlinə başçılıq edib.

Oxuməni.az xəbər verir ki, İspaniya Primerasının 7-ci tur matçında "Barselona" "Real Sosyedad"a 2:1 hesabı ilə qalib gəlib. Qarşılaşma Barselonadakı “Olympic Lluís Companys” stadionunda baş tutub. Alexandro Hernándes hakim funksiyasını yerinə yetirib.

31-ci dəqiqədə Alvaro Odriosola hesabı açaraq, Bask diyarının komandasını önə keçirib. 43-cü dəqiqədə Jül Kunde bərabərlik qolunu vurub. Robert Levandovski 59-cu dəqiqədə katalonları hesabda önə keçirib. Bu oyundan sonra "Barselona" 19 xalla La Liqanın turnir cədvəlinə başçılıq edir, "Real Sosyedad" isə 5 xalla 17-ci yerdədir.

Növbəti mərhələdə katalonlar oktyabrın 5-də səfərdə “Sevilya” ilə qarşılaşacaq, Basklar diyarının təmsilçisi isə həmin gün “Rayo Valyekano”nu qəbul edəcək.

Almaz Həsənli