Didye Deşam: "Azərbaycanda oynamaq ehtirası var və son nəticədən sonra itirəcəkləri heç nə yoxdur"
"Azərbaycanda oynamaq ehtirası var və son nəticədən sonra itirəcəkləri heç nə yoxdur".
Bunu Fransa millisinin baş məşqçisi Didye Deşam DÇ-2026-nın seçmə mərhələsi çərçivəsində Azərbaycana qarşı keçirəcəkləri ev oyunundan əvvəl keçirilən mətbuat konfransında deyib. Qarşılaşma cümə günü, oktyabrın 10-da Parisin "Park des Princes" stadionunda keçiriləcək və Bakı vaxtı ilə saat 22:45-də başlayacaq.
"Biz bütün rəqiblərimizə hörmətlə yanaşırıq. Azərbaycanın oynamaq ehtirası var və son nəticəsindən (Ukrayna ilə heç-heçə ) itirəcəkləri heç nə yoxdur. Biz onlara heç bir şans verə bilmərik. Altı xalımız var, bu o demək deyil ki, biz artıq irəliləmişik.
Oyunçularımız böyük komandaların oyunçularını tanıyırlar, amma Azərbaycan onlar üçün qeyri-müəyyən yığmadır. Ukrayna ilə heç-heçə etdilər. Onların heyətində Çempionlar Liqasında çıxış edən "Qarabağ"dan yeddi futbolçu var. Qorxmaq olmaz, amma çox şey bizdən asılı olacaq”, - deyə Deşam bildirib.
Əziz MUSTAFA
