"Dinamo Kiyev"in əfsanəvi futbolçusu, üçqat SSRİ çempionu İvan Yaremçuk Polşada həbs edilib

15:45

Bəyəndim (1) Bəyənmədim (0)

Üçqat SSRİ çempionu və keçmiş "Dinamo Kiyev" futbolçusu İvan Yaremçuk Krakov hava limanında Polşa polisi tərəfindən saxlanılıb. Bu barədə champion.com.ua məlumat verib.

63 yaşlı idmançı 10 oktyabrda Ukrayna və Azərbaycan arasında keçiriləcək 2026-cı il Dünya Kubokunun seçmə oyunundan əvvəl keçirilməsi planlaşdırılan veteranlar oyununda iştirak etmək üçün Polşaya gəlib.

"İvanın niyə həbs olunduğunu bilmirik. Polşadakı dostlarımıza işin guya İvanın Çexiyada qalması ilə bağlı olduğu deyilib", futbolçunun qardaşı Mixaylo Yaremçuk bildirib. O, həmçinin qeyd edib ki, İvan yalnız ailəsinə onun saxlanması barədə məlumat verə bilib, bundan sonra onunla əlaqə kəsilib.

Yaremçuk Kiyev "Dinamo"su ilə üçqat SSRİ çempionu, 1988-ci il Kubok Qalibləri Kubokunun qalibi və 1986 və 1990-cı il Dünya Kuboklarının iştirakçısıdır. Son illərdə futbolçu Almaniya, Çexiya və Belçika da daxil olmaqla müxtəlif Avropa ölkələrində yaşayıb. Əvvəllər onun qumar asılılığından əziyyət çəkdiyi və bunun nəticəsində evinin və əmanətlərinin itirildiyi bildirilirdi.
Əziz MUSTAFA