"Radniçki 1923"-ün baş məşqçisi Mladen Jizoviç oyun zamanı infarkt keçirərək vəfat edib

Telegraf-ın məlumatına görə, Serbiyanın "Radniçki 1923" futbol klubunun baş məşqçisi Mladen Jizoviç Serbiya çempionatı matçı zamanı vəfat edib.

Serbiya çempionatının 14-cü turunda"Radniçki 1923" "Mladosti" ilə qarşılaşdı. Məşqçi ilk hissənin ortalarında baş məşqçi özünü pis hiss etdi və ehtiyat oyunçular skamyasının yanında huşunu itirdi. O, təcili xəstəxanaya aparılsa da, həkimlər onu həyata qaytara bilmədilər və o, vəfat etdi.

Məşqçi xəstəxanaya aparıldıqdan sonra oyun davam etdi, lakin oyunçulara məşqçinin öldüyü bildirildikdən cəmi 20 dəqiqə sonra yenidən dayandırıldı. Bəzi oyunçular ya yerə yıxıldı, ya da yas tutaraq diz çökdülər.

Serbiya Futbol Assosiasiyası artıq məşqçinin ailəsinə və dostlarına başsağlığı verib. Ölüm səbəbi məlum deyil.

Zizoviç baş məşqçi təyin olunduğundan bəri yalnız üçüncü oyununda məşqçilik edirdi. O, 22 oktyabrda "Radniçki 1923"-də məşqçi vəzifəsinə təyin olunub. Zizoviçin cəmi 44 yaşı var idi və oyunçu karyerası ərzində Bosniya, Albaniya və Serbiya klublarında oynayıb. O, həmçinin Bosniya və Herseqovina milli komandasında da oynayıb.

Əziz MUSTAFA